31 сакавіка 2025 года Міністэрствам культуры афіцыйна зацверджаны лагатып, прысвечаны 80-годдзю Перамогі савецкага народа ў Вялікай Айчыннай вайне. Аўтарамі працы, якая перамагла, сталі Максім Шніп і Крысціна Пачабут.

Лагатып (знак) можа быць выкарыстаны пры правядзенні сацыяльных інфармацыйных і іншых кампаній, прымеркаваных да святкавання 80-годдзя Перамогі савецкага народа ў Вялікай Айчыннай вайне, шляхам размяшчэння ў сродках масавай інфармацыі, на аб'ектах вонкавай рэкламы, у інтэрнэце на афіцыйных сайтах дзяржаўных органаў і арганізацый. іншых інтэрнет-рэсурсах, а таксама іншымі спосабамі, не забароненымі заканадаўствам і прадугледжанымі дагаворам невыключнай адкрытай ліцэнзіі, размешчаным на сайце Міністэрства культуры..

Перамога ў Вялікай Айчыннай вайне мае важнае гістарычнае значэнне для беларускага народа. Гэта найвялікшы подзвіг, які назаўжды застанецца ў памяці пакаленняў як сімвал мужнасці, стойкасці і адзінства перад тварам смяротнай небяспекі. 80-годдзе Перамогі - гэта важная дата, якая нагадвае аб неабходнасці берагчы мір і гістарычную праўду.